Shveysariyalik yarim himoyachi Ardon Yashari tez orada "Milan" bilan shartnoma imzolaydi. Bu haqda jurnalist Sasha Tavolyeri ma’lum qildi.
Manbaga ko‘ra, "Milan" va "Bryugge" bo‘lajak bitim tafsilotlari bo‘yicha kelishuvga erishgan. Tez orada Yashari Italiyaga jo‘nab ketishi va 2030 yilgacha bo‘lgan mehnat shartnomasini imzolashi kerak.
Futbolchining o‘zi ham o‘zini "rossonerilar" safida sinab ko‘rmoqchi - u bir necha bor "Bryugge" rahbariyatidan o‘zini "Milan"ga sotishni so‘ragan.
O‘tgan mavsumda Yashari 52 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Transfermarkt portali 23 yoshli xavbekni 32 mln yevroga baholamoqda.
