Luka Modrich Ispaniyadagi uzoq yillik faoliyatidan so‘ng "Milan"ga o‘tib, faoliyatining yangi bosqichini boshladi. Xorvatiyalik yarim himoyachi allaqachon jamoa bosh murabbiyi Massimiliano Allegri bilan gaplashib ulgurgan. Murabbiy bilan muloqotdan olgan ilk taassurotlari haqida intervyuda so‘zlab berdi.

"Biz qisqa, ammo mazmunli suhbat qurdik. Allegri - zamonamizning eng obro‘li murabbiylaridan biri va u mening jamoadagi rolimni qanday ko‘rishi menga juda qiziq. U mening tajribam va yetakchilik qobiliyatlarimga umid qilayotganini aniq ko‘rsatdi. Bu ishonch bag‘ishlaydi," - dedi xorvatiyalik.

Modrich so‘nggi 13 yilni Madridning "Real" klubida o‘tkazdi va u yerda 597 ta o‘yin o‘tkazib, 49 ta gol urdi va 95 ta golli uzatmani amalga oshirdi. Bu vaqt ichida u 27 ta sovrin, jumladan, oltita Chempionlar Ligasi chempionligini qo‘lga kiritdi. Shuningdek, Modrich "Oltin to‘p" va UYEFA hamda FIFA talqini bo‘yicha yilning eng yaxshi futbolchisi sovrinlari sohibi hisoblanadi.