Лука Модрич Испаниядаги узоқ йиллик фаолиятидан сўнг "Милан"га ўтиб, фаолиятининг янги босқичини бошлади. Хорватиялик ярим ҳимоячи аллақачон жамоа бош мураббийи Массимилиано Аллегри билан гаплашиб улгурган. Мураббий билан мулоқотдан олган илк таассуротлари ҳақида интервьюда сўзлаб берди.

"Биз қисқа, аммо мазмунли суҳбат қурдик. Аллегри - замонамизнинг энг обрўли мураббийларидан бири ва у менинг жамоадаги ролимни қандай кўриши менга жуда қизиқ. У менинг тажрибам ва етакчилик қобилиятларимга умид қилаётганини аниқ кўрсатди. Бу ишонч бағишлайди," - деди хорватиялик.

Модрич сўнгги 13 йилни Мадриднинг "Реал" клубида ўтказди ва у ерда 597 та ўйин ўтказиб, 49 та гол урди ва 95 та голли узатмани амалга оширди. Бу вақт ичида у 27 та соврин, жумладан, олтита Чемпионлар Лигаси чемпионлигини қўлга киритди. Шунингдек, Модрич "Олтин тўп" ва УЕФА ҳамда ФИФА талқини бўйича йилнинг энг яхши футболчиси совринлари соҳиби ҳисобланади.