"Real" bosh murabbiyi Xabi Alonso jamoani yangi mavsumga tayyorlashni boshladi. The Athletic nashriga asoslanib, Goal portali xabar berishicha, Madrid jamoasi murabbiyi hujumchi Rodrigodan "uncha mamnun emas". Rodrigo esa o‘z navbatida "Real"dagi kelajagi shubha qilgan holda, agenti Pini Zaxavi bilan transfer imkoniyatini muhokama qilmoqda.

Ilgari Rodrigoning Xabi Alonso bilan suhbatlashgani, ammo transfer uchun rasman murojaat qilmagani haqida ham xabar berilgandi.

Rodrigo "Real" uchun jami 270 ta rasmiy o‘yinda ishtirok etgan. Bu o‘yinlarda braziliyalik hujumchi 68 ta gol urgan va 51 ta golli uzatma bergan. Nufuzli Transfermarkt portali Rodrigoni 90 million yevroga baholamoqda.