"Реал" бош мураббийи Хаби Алонсо жамоани янги мавсумга тайёрлашни бошлади. The Athletic нашрига асосланиб, Goal портали хабар беришича, Мадрид жамоаси мураббийи ҳужумчи Родригодан "унча мамнун эмас". Родриго эса ўз навбатида "Реал"даги келажаги шубҳа қилган ҳолда, агенти Пини Захави билан трансфер имкониятини муҳокама қилмоқда.
Илгари Родригонинг Хаби Алонсо билан суҳбатлашгани, аммо трансфер учун расман мурожаат қилмагани ҳақида ҳам хабар берилганди.
Родриго "Реал" учун жами 270 та расмий ўйинда иштирок этган. Бу ўйинларда бразилиялик ҳужумчи 68 та гол урган ва 51 та голли узатма берган. Нуфузли Transfermarkt портали Родригони 90 миллион еврога баҳоламоқда.
