"Nyukasl" hujumchisi Aleksandr Isak "Liverpul"ga o‘tmoqchi.
"Qizillar" shvesiyalik futbolchiga qiziqishda davom etmoqda, ammo keyingi transfer vazifasi - himoya markazini kuchaytirishga e’tibor qaratish uchun masalani tezroq yopishni rejalashtirmoqda. DaveOckop xabariga ko‘ra, 25 yoshli forvard joriy hafta oxirigacha klub rahbariyatiga transfer bo‘yicha so‘rov yuboradi.
Avvalroq, "Nyukasl" "Liverpul"ning Aleksandr Isak bo‘yicha taklifini rad etgandi. Transfermarkt portali futbolchining narxini 120 mln yevroga baholamoqda. Angliya Premyer-ligasining o‘tgan mavsumida "hakkalar" hujum chizig‘i yetakchisi 34 ta o‘yin o‘tkazib, 23 ta gol urgan, shuningdek, oltita golli uzatmani amalga oshirgan.
