Londonning "Chelsi" klubi yangi o‘yinchi sifatida Estevao Villyanni tanishtirdi. 18 yoshli vinger seshanba kuni "ko‘klar" qarorgohiga yetib keldi va shundan so‘ng intervyu berdi.
"Men "Chelsi" bilan barcha mumkin bo‘lgan sovrinlarni - Chempionlar ligasi, Premyer-ligani yutishni istayman. Individual darajada dunyoning eng yaxshi o‘yinchisi bo‘lishni istardim, tinimsiz ishlashda davom etaman," - deya ta’kidladi braziliyalik.
Estevao "Palmeyras"dan "Chelsi"ga o‘tgan. Transfer qiymati ehtimoliy bonuslarni hisobga olmaganda 34 mln yevroni tashkil etdi.













