35 yoshli germaniyalik hujumchi Tomas Myuller rasman MLSning "Vankuver Uaytkeps" klubi futbolchisiga aylandi. Futbolchining transferi haqidagi xabar bilan Kanada klubi matbuot xizmati o‘rtoqlashdi. Jamoa bilan 2026 yil oxirigacha shartnoma imzolangan.
Eslatib o‘tamiz, Myuller bolaligidan "Bavariya" tizimida edi, ammo o‘tgan mavsum yakunlariga ko‘ra nemis o‘z klubi safini tark etdi. U "Bavariya" bilan Germaniya chempioni bo‘ldi, shuningdek, iyun-iyul oylarida klublar o‘rtasidagi jahon chempionatida beshta o‘yinda maydonga tushib, ikkita gol urdi.
"Vankuver Uaytkeps"ga transfer erkin agent sifatida amalga oshirildi. Hozirda 21-asrning eng mashhur nemis futbolchilaridan birining bozor narxi 6 million yevroni tashkil etadi.













