Germaniyalik hujumchi Tomas Myuller MLS vakili "Vankuver Uaytkeps"ga o‘tgani haqida fikr bildirdi.
"Bu jamoaga chempionlikni qo‘lga kiritishda yordam berish uchun Vankuverga borishni intiqlik bilan kutyapman. Shahar haqida ko‘p eshitganman, lekin eng avvalo g‘alaba qozonish uchun ketyapman. Klub rahbariyati bilan ajoyib suhbatlar o‘tkazdim va endi muxlislar qarshisida o‘ynash va ularning barchasi pley-offga yaqinlashganda "Bi-Si Pleys" stadioniga kelishini sabrsizlik bilan kutmoqdaman," - deya Myullerning so‘zlarini keltiradi "Uaytkeps" matbuot xizmati.
Eslatib o‘tamiz, 6 avgust, chorshanba kuni Kanada klubi nemis futboli yulduzining transferini rasman e’lon qildi.
