Германиялик ҳужумчи Томас Мюллер МЛС вакили "Ванкувер Уайткэпс"га ўтгани ҳақида фикр билдирди.
"Бу жамоага чемпионликни қўлга киритишда ёрдам бериш учун Ванкуверга боришни интиқлик билан кутяпман. Шаҳар ҳақида кўп эшитганман, лекин энг аввало ғалаба қозониш учун кетяпман. Клуб раҳбарияти билан ажойиб суҳбатлар ўтказдим ва энди мухлислар қаршисида ўйнаш ва уларнинг барчаси плей-оффга яқинлашганда "Би-Си Плейс" стадионига келишини сабрсизлик билан кутмоқдаман," - дея Мюллернинг сўзларини келтиради "Уайткэпс" матбуот хизмати.
Эслатиб ўтамиз, 6 август, чоршанба куни Канада клуби немис футболи юлдузининг трансферини расман эълон қилди.
