"Brayton" yarim himoyachisi Karlos Balebaning "Manchester Yunayted"ga o‘tishi dargumon.
"Qizil iblislar" ehtimoliy hamkorlik shartlarini muhokama qilish uchun kamerunlik atrofidagilar bilan uchrashishdi. Futbolchi transferga qarshi emas, ammo "Brayton"ning narxlari katta ehtimol bilan mankunianliklarning barcha sa’y-harakatlarini yo‘qqa chiqaradi: jurnalist Grem Beyli xabariga ko‘ra, "chaykalar" 21 yoshli futbolchini 100 million funtdan (115 million yevro) ko‘proqqa baholamoqda va unchalik foydali bo‘lmagan takliflarni ko‘rib ham chiqmaydi.
Karlos Baleba Premyer-liganing o‘tgan mavsumida 34 ta o‘yinda maydonga tushib, 3 ta gol va 1 ta golli uzatmani o‘z hisobiga yozdirib qo‘ygan.
