"Брайтон" ярим ҳимоячиси Карлос Балебанинг "Манчестер Юнайтед"га ўтиши даргумон.
"Қизил иблислар" эҳтимолий ҳамкорлик шартларини муҳокама қилиш учун камерунлик атрофидагилар билан учрашишди. Футболчи трансферга қарши эмас, аммо "Брайтон"нинг нархлари катта эҳтимол билан манкунианликларнинг барча саъй-ҳаракатларини йўққа чиқаради: журналист Грем Бейли хабарига кўра, "чайкалар" 21 ёшли футболчини 100 миллион фунтдан (115 миллион евро) кўпроққа баҳоламоқда ва унчалик фойдали бўлмаган таклифларни кўриб ҳам чиқмайди.
Карлос Балеба Премьер-лиганинг ўтган мавсумида 34 та ўйинда майдонга тушиб, 3 та гол ва 1 та голли узатмани ўз ҳисобига ёздириб қўйган.
