Germaniyaning "RB Leypsig" klubi "Manchester Yunayted"ning hujumchi Benyamin Sheshko bo‘yicha taklifini qabul qilmadi.
22 yoshli futbolchi "qizil iblislar" safiga o‘tishga qaror qilgan va bunga rozilik berib bo‘lgan, ammo klublar o‘rtasidagi muzokaralar murakkabroq kechmoqda. Transfer shartlari bo‘yicha kelishuvga haligacha erishilmagan, deb xabar bermoqda jurnalist Florian Plettenberg. Yangi muhokamalar payshanba kuniga rejalashtirilgan.
Avvalroq matbuotda paydo bo‘lgan ma’lumotlarga ko‘ra, "Manchester Yunayted" Benyamin Sheshko uchun bonuslar bilan birga 85 mln yevro taklif qilgan, "Nyukasl" esa sloveniyalik futbolchi uchun 90 mln yevro to‘lashga tayyor edi.
