Германиянинг "РБ Лейпциг" клуби "Манчестер Юнайтед"нинг ҳужумчи Беньямин Шешко бўйича таклифини қабул қилмади.
22 ёшли футболчи "қизил иблислар" сафига ўтишга қарор қилган ва бунга розилик бериб бўлган, аммо клублар ўртасидаги музокаралар мураккаброқ кечмоқда. Трансфер шартлари бўйича келишувга ҳалигача эришилмаган, деб хабар бермоқда журналист Флориан Плеттенберг. Янги муҳокамалар пайшанба кунига режалаштирилган.
Аввалроқ матбуотда пайдо бўлган маълумотларга кўра, "Манчестер Юнайтед" Беньямин Шешко учун бонуслар билан бирга 85 млн евро таклиф қилган, "Ньюкасл" эса словениялик футболчи учун 90 млн евро тўлашга тайёр эди.













