"Benfika" Antonini "MYU"dan ijaraga olmoqchi.
Goal xabariga ko‘ra, portugal klubi vingerni ijaraga olish bo‘yicha so‘rov yuborgan, ammo "Manchester Yunayted" futbolchini sotishni ma’qul ko‘rmoqda va uni taxminan 40 mln yevroga baholamoqda. Klublar o‘rtasidagi muzokaralar davom etmoqda, deb xabar beradi MaisFutebol.
Qayd etilishicha, Antoni o‘tgan mavsumning ikkinchi qismini ijara asosida o‘tkazgan "Betis"ga qaytishni istamoqda. Ispan klubi ham braziliyalik futbolchiga qiziqish bildirmoqda, ammo "MYU"ning moliyaviy talablari juda yuqori deb hisoblamoqda.













