Madridning “Real” klubi yarim himoyachisi Jud Bellingemning ukasi Job Bellingem o‘zining yangi klubi “Borussiya Dortmund”da yettinchi raqamli libosni qabul qildi.
Bu haqda “asalarilar”ning ijtimoiy tarmoqdagi rasmiy akkaunti xabar berdi.
Eslatib o‘tamiz, Job shu yilning yozida "Borussiya" futbolchisiga aylandi. Ilgari u "Sanderlend"da o‘ynagan va o‘tgan mavsumda yarim himoyachi "qora mushuklar"ga Angliya yuqori ligasiga qaytishga yordam bergan.
19 yoshli futbolchining kelishuvi deyarli 31 million yevroga baholangan.
