"Jirona" himoyachisi Migel Gutyerres faoliyatini Italiyaning "Napoli" klubida davom ettiradi. Bu haqda nufuzli insayder Fabrisio Romano xabar bermoqda.
Manbaga ko‘ra, kelishuv summasi 18 million yevro va bonuslar sifatida 2 million yevroni tashkil qiladi. Jurnalistning so‘zlariga ishonadigan bo‘lsak, ispaniyalikning o‘zi faqat "Napoli"ga o‘tishni istagan.
O‘tgan mavsumda 24 yoshli Gutyerres barcha musobaqalarni qo‘shib hisoblaganda 36ta o‘yinda maydonga tushib, ikki marta raqiblar darvozasini ishg‘ol qildi va oltita assistni o‘z hisobiga yozdirib qo‘ydi.
Aytish kerakki, ertaga, 9 avgust kuni "Napoli" va "Jirona" o‘zaro o‘rtoqlik o‘yini o‘tkazadi.
