"Manchester Yunayted" "RB Leypsig" hujumchisi Benyamin Sheshko bilan shartnoma imzolaganini e’lon qilishga tayyorlanmoqda.
Erishilgan kelishuv haqida kuni kecha ma’lum bo‘ldi, endi tomonlar bitimni hujjatlashtirdi. Insayder Fabrisio Romanoning ma’lum qilishicha, klublar transferni yakunlash uchun barcha hujjatlarni imzolagan. Transfer narxi, avval xabar qilinganidek, 85 mln yevroni tashkil etadi.
Shanba kuni ertalab Benyamin Sheshko "qizil iblislar" bilan kelishuvni imzolaydi. Shu kuni 22 yoshli hujumchi "Fiorentina"ga qarshi o‘rtoqlik o‘yini boshlanishidan oldin "Old Trafford"ga yangi o‘yinchi sifatida taqdim qilinadi.
