Qozog‘istonning Olma-ota shahridagi Gorky Tennis Park kortlarida 4-9 avgust kunlari Fransiya tennis federasiyasi (FFT), Osiyo tennis federasiyasi (ATF) va Renault Group homiyligida o‘tkazilayotgan 16 yoshgacha bo‘lgan o‘yinchilar uchun nufuzli turnir - Roland Garros Junior Series by Renault musobaqasining saralash bosqichi g‘oliblari aniqlandi.
Yorqin yarim finalda o‘zbekistonlik tennischi Akmal Abdullayev qozog‘istonlik Ansar Niyetkaliyevni 7-6 (3), 6-3 hisobida mag‘lub etib, turnirning hal qiluvchi o‘yiniga yo‘l oldi. Abdullayev shu tariqa Yaponiyada bo‘lib o‘tadigan Roland Garros Junior Series by Renault saralashining yakuniy bosqichida ishtirok etish huquqini qo‘lga kiritdi.
O‘zbekistonning yana bir vakili Alan Zinatulin qattiq kurashdan so‘ng qozog‘istonlik Mansur Sainovga 4-6, 6-7 (7) hisobida yengildi. Endi u musobaqaning uchinchi o‘rni uchun bellashadi.
O‘zbekiston tennis federasiyasi matbuot xizmati













