Londonning "Chelsi" klubi bosh murabbiyi Enso Mareska jamoasining Italiyaning "Milan" klubiga qarshi o‘rtoqlik o‘yinidagi g‘alabasiga izoh berdi.
Mutaxassisning ta’kidlashicha, raqib uchun bu mavsum oralig‘idagi oltinchi uchrashuv bo‘lgan bo‘lsa, uning shogirdlari uchun faqat ikkinchisi bo‘lgan.
"Menimcha, Koubish chetlatilgunga qadar o‘yin juda, juda, juda yaxshi edi. Biz o‘zimiz xohlagandek boshladik: to‘p bilan ham, to‘psiz ham shiddatli va yuqori tempda harakat qildik", - deya Mareskaning so‘zlarini keltiradi "aristokratlar" matbuot xizmati.
Uchrashuv 4:1 hisobida "Chelsi" foydasiga hal bo‘ldi. Liam Delar dublga erishgan bo‘lsa, yana bir gol Joao Pedro hisobiga yozildi.
