Лондоннинг "Челси" клуби бош мураббийи Энцо Мареска жамоасининг Италиянинг "Милан" клубига қарши ўртоқлик ўйинидаги ғалабасига изоҳ берди.
Мутахассиснинг таъкидлашича, рақиб учун бу мавсум оралиғидаги олтинчи учрашув бўлган бўлса, унинг шогирдлари учун фақат иккинчиси бўлган.
"Менимча, Коубиш четлатилгунга қадар ўйин жуда, жуда, жуда яхши эди. Биз ўзимиз хоҳлагандек бошладик: тўп билан ҳам, тўпсиз ҳам шиддатли ва юқори темпда ҳаракат қилдик", - дея Маресканинг сўзларини келтиради "аристократлар" матбуот хизмати.
Учрашув 4:1 ҳисобида "Челси" фойдасига ҳал бўлди. Лиам Делар дублга эришган бўлса, яна бир гол Жоао Педро ҳисобига ёзилди.
