"Tottenxem" Savio Moreyra transferi ustida ishlamoqda.
Avvalroq, London klubi "Manchester Siti" bilan 21 yoshli vinger transferi bo‘yicha muzokaralar olib borayotgani ma’lum bo‘lgandi.
The Athletic xabariga ko‘ra, tomonlar taxminan 50 million yevro (43,3 million funt) miqdoridagi kelishuvni muhokama qilmoqda. "Shaharliklar" braziliyalikni sotmoqchi emas, ammo bunday miqdordagi taklifga rozi bo‘lishi mumkin.
Savio o‘tgan yozda "Manchester Siti" safiga kelib qo‘shilgandi. U o‘tgan mavsum APLda 29 ta o‘yinda maydonga tushib, 1 ta gol va 8 ta golli uzatmaga mualliflik qilgan.
