"Milan" hujumchisi Santyago Ximenes yangi mavsum oldidan qanday kayfiyatda ekanligi haqida gapirdi.
24 yoshli futbolchi qishki transfer oynasida "Feyenoord"dan 32 mln yevro evaziga "rossonerilar" safiga qo‘shildi. Meksikalik umidlarni oqlay olmadi va 19 ta o‘yinda atigi oltita gol urdi, ammo u yangi mavsumda ko‘proq gollar kiritishi mumkinligiga ishonmoqda.
- Men o‘sha Santyagoman, biroq endi menda yanada ko‘proq ochlik, qat’iyat va ehtiros bor. Qishda transfer qiyin - mavsum davomida butunlay yangi jamoaga tushib qolasiz. Hozir hammasi noldan boshlanadi. Men haqiqatan ham o‘zimga va jamoamga ishonaman. Maqsadlarimizga erishish uchun maksimal darajada harakat qilishimiz kerak. Va’da bermayman, ammo "Milan" bilan Skudettoni yutishni istardim," - deya forvardning Sky Sport Italia nashriga bergan intervyusidan iqtibos keltiradi "Gazeta.Ru."
23 avgust kuni "Milan" A Seriya 1-turidan o‘rin olgan "Kremoneze"ga qarshi bahs olib boradi.













