"Милан" ҳужумчиси Сантьяго Хименес янги мавсум олдидан қандай кайфиятда эканлиги ҳақида гапирди.
24 ёшли футболчи қишки трансфер ойнасида "Фейеноорд"дан 32 млн евро эвазига "россонерилар" сафига қўшилди. Мексикалик умидларни оқлай олмади ва 19 та ўйинда атиги олтита гол урди, аммо у янги мавсумда кўпроқ голлар киритиши мумкинлигига ишонмоқда.
- Мен ўша Сантьягоман, бироқ энди менда янада кўпроқ очлик, қатъият ва эҳтирос бор. Қишда трансфер қийин - мавсум давомида бутунлай янги жамоага тушиб қоласиз. Ҳозир ҳаммаси нолдан бошланади. Мен ҳақиқатан ҳам ўзимга ва жамоамга ишонаман. Мақсадларимизга эришиш учун максимал даражада ҳаракат қилишимиз керак. Ваъда бермайман, аммо "Милан" билан Скудеттони ютишни истардим," - дея форварднинг Sky Sport Italia нашрига берган интервьюсидан иқтибос келтиради "Gazeta.Ru."
23 август куни "Милан" А Серия 1-туридан ўрин олган "Кремонезе"га қарши баҳс олиб боради.
