"PSJ" darvozaboni Janluidji Donnarummani sotish niyati jiddiyga o‘xshaydi. Italiyalik futbolchi hattoki UEFA Superkubogi qaydnomasiga ham kiritilmagan. Matbuot Donnarummani "Manchester Yunayted" bilan bog‘lagan, ammo transfer ehtimoli hozircha past.
The Athletic nashriga xabar berishicha, "Aston Villa" Emiliano Martinesni transfer qilishdan bosh tortgach, "Manchester Yunayted" yangi darvozabon izlamaslikka qaror qilgan.
"Qizil iblislar"ning pozisiyasi faqat Andre Onana jamoani tark etgan taqdirdagina o‘zgaradi. APLning birinchi turida “Manchester Yunayted” o‘z maydonida “Arsenal”ni qabul qiladi. O‘yin 17 avgust, yakshanba kuni bo‘lib o‘tadi.
