"Parma" markaziy himoyachisi Jovanni Leoni "Liverpul"ga o‘tishga yaqin turibdi. Bu haqda taniqli insayder Nikolo Skira xabar bermoqda.

Manbaga ko‘ra, 18 yoshli italiyalik futbolchining xaridi mersisaydliklarga 35 million yevroga va kelajakdagi sotuvning 10 foiziga tushadi. Ta’kidlanishicha, "Parma" "Liverpul"dan Leonini yana bir mavsumga jamoada ijara asosida olib qolishni so‘ramoqda. Ayni damda ingliz grandi bosh murabbiyi futbolchini qoldirish yoki darhol olib ketish masalasini hal qilmoqda.

O‘tgan mavsumda Leoni Italiya chempionatida 17 ta o‘yinda maydonga tushib, uchta sariq kartochka oldi va bir marta maydondan chetlatildi.