"Парма" марказий ҳимоячиси Жованни Леони "Ливерпуль"га ўтишга яқин турибди. Бу ҳақда таниқли инсайдер Николо Скира хабар бермоқда.
Манбага кўра, 18 ёшли италиялик футболчининг хариди мерсисайдликларга 35 миллион еврога ва келажакдаги сотувнинг 10 фоизига тушади. Таъкидланишича, "Парма" "Ливерпуль"дан Леонини яна бир мавсумга жамоада ижара асосида олиб қолишни сўрамоқда. Айни дамда инглиз гранди бош мураббийи футболчини қолдириш ёки дарҳол олиб кетиш масаласини ҳал қилмоқда.
Ўтган мавсумда Леони Италия чемпионатида 17 та ўйинда майдонга тушиб, учта сариқ карточка олди ва бир марта майдондан четлатилди.
