Italiyaning "Milan" klubi Shveysariyaning "Yang Boyz" klubi o‘ng qanot himoyachisi Zakari Atekamening transferi bo‘yicha kelishuvni yakunlashga yaqin turibdi. Bu haqda Football Italia nashri xabar bermoqda.

Hozircha klublar o‘zaro ba’zi hujjatlarni almashishi qoldi. 20 yoshli Atekame "rossonerilar"ning joriy transferlar davridagi yettinchi xaridi bo‘ladi. Futbolchi "Milan"ga bonuslar bilan birga 10 million yevroga tushadi. Shuni ham ta’kidlash kerakki, futbolchining qayta sotilishidan Shveysariya tomoni 10 foizga ega bo‘ladi.

O‘tgan mavsumda Atekame klub miqyosida 43 ta o‘yinda maydonga tushib, 8 ta sariq kartochka oldi, 1 ta gol urdi va 3 ta golli uzatmani amalga oshirdi.