"Tottenxem"ning sobiq sardori Son Xyon Min jamoaning "PSJ"ga qarshi UYEFA Superkubogi o‘yinidagi muvaffaqiyatsizligi haqida gapirdi.
"Shporlar" g‘alabaga yaqin edi, ammo so‘nggi daqiqalarda ikkita gol o‘tkazib yuborib, hisobdagi farqni saqlab qola olmadi. Penaltilar seriyasida parijliklar 4:3 hisobida zafar quchdi.
"Jamoa bilan faxrlanaman! Tez orada yaxshi davrlar keladi, xafa bo‘lishga hojat yo‘q. Keling, ijobiy kayfiyatni saqlab, kelajakka nazar tashlaylik, oldinda butun bir mavsum bor. "Tottenxem" oilasi hamon siz bilan," - deb yozdi janubiy koreyalik futbolchi o‘yin yakunlanganidan ko‘p o‘tmay ijtimoiy tarmoqlarda.













