"Тоттенхэм"нинг собиқ сардори Сон Хён Мин жамоанинг "ПСЖ"га қарши УЕФА Суперкубоги ўйинидаги муваффақиятсизлиги ҳақида гапирди.
"Шпорлар" ғалабага яқин эди, аммо сўнгги дақиқаларда иккита гол ўтказиб юбориб, ҳисобдаги фарқни сақлаб қола олмади. Пенальтилар сериясида парижликлар 4:3 ҳисобида зафар қучди.
"Жамоа билан фахрланаман! Тез орада яхши даврлар келади, хафа бўлишга ҳожат йўқ. Келинг, ижобий кайфиятни сақлаб, келажакка назар ташлайлик, олдинда бутун бир мавсум бор. "Тоттенхэм" оиласи ҳамон сиз билан," - деб ёзди жанубий кореялик футболчи ўйин якунланганидан кўп ўтмай ижтимоий тармоқларда.
