Hujumchi Erik Lamela ijtimoiy tarmoqdagi sahifasida AYEKdan ketishini e’lon qildi. 33 yoshli argentinalik erkin agentga aylandi.
Jurnalist Sesar Luis Merlo X ijtimoiy tarmog‘idagi sahifasida Lamela "Sevilya"ga qaytishi va u yerda jamoa murabbiylar shtabiga qo‘shilishini ma’lum qildi.
Lamela Gresiyaga ko‘chib o‘tgunga qadar 2021 yildan 2024 yilgacha "Sevilya"da o‘ynagan. U bungacha "Tottenxem", "Roma" va "River Pleyt" klublarida ham to‘p tepgan. U faoliyati davomida klub miqyosida 484 ta o‘yin o‘tkazib, 84 ta gol va 76 ta golli uzatmani amalga oshirgan.













