Bugun, 15 avgust kuni futbol bo‘yicha Angliya chempionatining 2025/2026 yilgi mavsumi 1-turidan o‘rin olgan dastlabki o‘yinda "Liverpul" hamda "Bornmut" jamoalari o‘zaro bahs olib boradi. Uchrashuv Toshkent vaqti bilan 00:00da boshlanadi.

Mutaxassislarining fikriga ko‘ra, o‘yinning yaqqol favoriti "Liverpul" bo‘lib, uning g‘alabasi 74,1 foizga baholangan, o‘yinda durang bo‘lish ehtimoli 15,2 foiz, "Bornmut"ning g‘alabasi 10,7 foiz.

So‘nggi bor raqiblar joriy yilning fevral oyida to‘qnash kelishgan va o‘shanda "Liverpul" 2:0 hisobida g‘alaba qozongandi.