Ispaniyalik qanot himoyachisi Mark Kukurelya Londonning "Chelsi" klubi rahbariyati bilan yangi mehnat shartnomasi bo‘yicha muvaffaqiyatli muzokaralar olib bordi. Jurnalist Fabrisio Romanoning ijtimoiy tarmoqlardagi sahifasida ma’lum qilinishicha, tomonlar yangi bitimni kelishib olishgan.
Himoyachi va klub o‘rtasidagi amaldagi shartnoma muddati 3 yildan so‘ng tugaydi. Yangi kelishuv haqida yaqin kelajakda rasman e’lon qilinadi.
2024/2025 yilgi mavsumda Kukurelya London jamoasi safida 54 ta o‘yinda maydonga tushib, 7 ta gol va 4 ta golli uzatmani o‘z hisobiga yozdirib qo‘ydi.
