"Marsel" himoyachisi va sardori Leonardo Balerdi Liga 1 yangi mavsumi arafasida ommaviy axborot vositalari bilan suhbatlashdi. U kelgusi yil uchun o‘z maqsadlarini aniq belgilab berdi.
"Marsel"ning maqsadi doimo yaxshilanib borishdir. Avvalo Chempionlar ligasiga yo‘llanma olishimiz, so‘ngra esa oldingi mavsumlarga nisbatan barcha jihatlarni yaxshilashimiz lozim. Men Chempionlar Ligasida avvalgi yillarga qaraganda yaxshiroq natija ko‘rsatishni xohlayman. Klubni iloji boricha yuqori darajaga ko‘tarishimiz va "PSJ" bilan oramizdagi farqni qisqartirishimiz kerak", - dedi Balerdi.
Eslatib o‘tamiz, "Marsel" yangi mavsumning ilk o‘yinini bugun, 15 avgust kuni "Renn" jamoasiga qarshi o‘tkazadi.
