"Liverpul" Angliya chempionatining ilk turlaridagi so‘nggi 13 o‘yinning birortasida ham mag‘lubiyatga uchramadi. 15 avgust, juma kuni "qizillar" 2025/26 yilgi mavsumni "Bornmut" ustidan qozonilgan g‘alaba (4:2) bilan boshladi.
So‘nggi 13 mavsumda "Liverpul" dastlabki turlarda 3 durang va 10 g‘alaba qayd etib, 35 gol urgan va 16 gol o‘tkazib yuborgan. "Qizillar" bu o‘yinlarda besh marta darvozasi daxlsizligini saqlab qolgan.
Bu APL jamoalari o‘rtasidagi dastlabki turlardagi eng uzun mag‘lubiyatsiz seriyadir.
