Shu kunlarda voleybol bo‘yicha Ozarbayjonning 16 yoshgacha bo‘lgan qizlar terma jamoasi a’zolari mamlakatimizda o‘tkazilayotgan o‘quv-mashg‘ulot yig‘inida ishtirok etmoqda.
Mashg‘ulotlar davomida ozarbayjonlik voleybolchi qizlar yurtimizning turli jamoalari bilan nazorat o‘yinlarida maydonga tushdi.
Kuni kecha qardosh mamlakat voleybolchi qizlar jamoasi uchun Toshkent shahri bo‘ylab sayohat uyushtirildi.
Sayohat jarayonida Ozarbayjon jamoasi a’zolari O‘zbekiston Respublikasi Ichki ishlar vazirligi muzeyi, Olimpiya va Paralimpiya shon-shuhrati muzeyi, Tashkent City Mall hamda Magic City majmualariga tashrif buyurdi.
Madaniy hordiqdan keyin o‘tkazilgan o‘rtoqlik o‘yinlari va mashg‘ulotlar davomida sportchilar nafaqat texnik va taktik ko‘nikmalarni rivojlantirdi, balki kelgusidagi xalqaro musobaqalar uchun zarur bo‘lgan ruhiy quvvatga ham ega bo‘ldi.
