OCHL 2 guruh bosqichiga qur’a tashlanganidan so‘ng "Andijon"ning guruhdagi raqiblarining bu boradagi fikrlarini bilish ham qiziq edi.

Shu maqsadda «Andijon» matbuot xizmati Bahraynning “Al-Xolidiya” klubi rasmiy vakili Juma Al Mahmid bilan suhbatlashdi.

— Qur’a haqida nima deya olasiz?

— Avvalambor Malayziyadagi qur’a marosimida bo‘lib turganimdan mamnunman. Shu bilan birga tashkilotchilarga rahmat aytaman. Qur’aga keladigan bo‘lsak, adolatli bo‘ldi. Guruhda barcha jamoalar teng kuchga ega. Ko‘p jamoalar yaxshi tayyorgarlikka ega. Chunki ular shu bosqichga yetib kelishgan. Umid qilamanki, yaxshi futbol ko‘ramiz.

— Bungacha «Andijon» klubi haqida nimalarni bilasiz?

— O‘zbekiston futboli haqida gapirganda ko‘p bahraynliklar bu borada turli xil xotiralarga ega. Ayniqsa, 2004 yilgi Osiyo Kubogini aytish mumkin. O‘zbekiston termasini yutib yarim finalga chiqqanmiz. Shuningdek, O‘zbekiston ajoyib mamlakat, mehmondo‘stligi bilan ham tanilgan. Shuning uchun Xudo xohlasa, O‘zbekistonda bo‘lish juda yoqimli. Qolaversa, O‘zbekiston klublari haqida ko‘proq bilib boramiz.

— Qur’ada siz o‘ylagan raqiblar duch keldimi?

— To‘g‘risini aytganda, men birorta jamoa nomini topish haqida o‘ylamagandim. Shunchaki, qur’adan bahramand bo‘lishni o‘yladim. Chunki bu tadbirda bir-birimiz haqimizda ko‘proq o‘rganamiz.