"Vest Xem"ning hujumkor yarim himoyachisi Lukas Paketa transfer oynasi yopilishidan oldin yangi jamoaga o‘tish haqida o‘ylamoqda.
Braziliyalik futbolchi yaqinda noqonuniy pul tikish bo‘yicha ayblovlardan ozod etildi, bu esa uning "bolg‘achilar"ni tark etishga tayyor ekanligi haqidagi xabarlarga sabab bo‘ldi.
Insayder Fabrisio Romanoning so‘zlariga ko‘ra, londonliklar bosh murabbiyi Grem Potter 27 yoshli futbolchini jamoada olib qolmoqchi ekanligini aniq aytgan.
Murabbiy yarim himoyachini qolishga ko‘ndirish maqsadida u bilan shaxsiy suhbat ham o‘tkazgan.
