Italiyaning "Roma" klubi himoyachisi Marash Kumbulla Ispaniyaning "Malyorka" klubiga ijaraga beriladi. Bu haqda insayder Fabrisio Romano o‘z ijtimoiy tarmoqlarida ma’lum qildi.

Manbaga ko‘ra, "Malyorka" 6 million yevro to‘laydi va yana 2 million yevroni bonuslar uchun ajratadi. Shuningdek, u o‘yinchini sotib olish huquqiga ega bo‘ladi.

Albaniya terma jamoasining 25 yoshli futbolchisi 2021 yildan buyon "Roma" safida to‘p tepib kelayotgan bo‘lsa-da, so‘nggi paytlarda rimliklar safida deyarli ko‘rinish bermayapti. O‘tgan mavsumni Kumbulla "Espanyol"da o‘tkazdi (barcha turnirlarda 36 ta o‘yin, 10 ta ogohlantirish, 3 ta gol).