Италиянинг "Рома" клуби ҳимоячиси Мараш Кумбулла Испаниянинг "Мальорка" клубига ижарага берилади. Бу ҳақда инсайдер Фабрицио Романо ўз ижтимоий тармоқларида маълум қилди.
Манбага кўра, "Мальорка" 6 миллион евро тўлайди ва яна 2 миллион еврони бонуслар учун ажратади. Шунингдек, у ўйинчини сотиб олиш ҳуқуқига эга бўлади.
Албания терма жамоасининг 25 ёшли футболчиси 2021 йилдан буён "Рома" сафида тўп тепиб келаётган бўлса-да, сўнгги пайтларда римликлар сафида деярли кўриниш бермаяпти. Ўтган мавсумни Кумбулла "Эспаньол"да ўтказди (барча турнирларда 36 та ўйин, 10 та огоҳлантириш, 3 та гол).
