Angliya chempionatining yangi mavsum 1-turidan o‘rin olgan “Chelsi” – “Kristal Pelas” uchrashuvida yarim himoyachi Eberechi Ezening goli bekor qilindi.

14-daqiqada yarim himoyachi taxminan 17 metrlardan to‘g‘ridan-to‘g‘ri kuchli zarba bilan standart vaziyatdan to‘pni darvozaga yo‘lladi.

Biroq VAR hakamlari qoida buzilishini ko‘rib, videotakrorni tomosha qilish uchun bosh hakamni chaqirishdi.

Epizodni ko‘rib chiqqach, gol bekor qilindi. Gap shundaki, Gexi zarbadan oldin «Chelsi»ning jonli devori tarkibida edi, ammo qoidalarga ko‘ra, bu taqiqlangan.

Raqib o‘yinchilari himoya devoridan kamida bir metr masofada bo‘lishi kerak.