Англия чемпионатининг янги мавсум 1-туридан ўрин олган “Челси” – “Кристал Пэлас” учрашувида ярим ҳимоячи Эберечи Эзенинг голи бекор қилинди.
14-дақиқада ярим ҳимоячи тахминан 17 метрлардан тўғридан-тўғри кучли зарба билан стандарт вазиятдан тўпни дарвозага йўллади.
Бироқ ВАР ҳакамлари қоида бузилишини кўриб, видеотакрорни томоша қилиш учун бош ҳакамни чақиришди.
Эпизодни кўриб чиққач, гол бекор қилинди. Гап шундаки, Гехи зарбадан олдин «Челси»нинг жонли девори таркибида эди, аммо қоидаларга кўра, бу тақиқланган.
Рақиб ўйинчилари ҳимоя деворидан камида бир метр масофада бўлиши керак.
