"Kristal Pelas" Eberechi Ezeni "Tottenxem"ga sotishdan oldin unga o‘rinbosar topmoqchi.
Avvalroq, klublarning 27 yoshli yarim himoyachi bo‘yicha muzokaralarida qiyinchiliklar yuzaga kelgani xabar qilingandi. Shu bilan birga, Eze tomonidan hech qanday muammo yo‘q, u allaqachon "burgutlar"ga "shporlar" safiga o‘tish istagini bildirgan.
Sky Sports xabariga ko‘ra, "Pelas" Ezening "Tottenxem"ga transferini ko‘rib chiqishdan oldin uning o‘rniga kim kelishini aniqlamoqchi.
Nomzodlar orasida "Bryugge"dan Xristos Solis va "Lester"dan Bilol El-Xannus nomi tilga olingan.













