Angliya terma jamoasining sobiq futbolchisi Jeymi Vardi faoliyatini Italiyada davom ettirishi mumkin. Hujumchi "Napoli" qiziqishlari doirasiga tushib qoldi. Bu haqda Daily Mail xabar bermoqda.
Manbaga ko‘ra, Italiya klubi rahbariyati jarohat olgan Romelu Lukaku o‘rniga Vardi bilan shartnoma imzolash variantini ko‘rib chiqmoqda. Belgiyalik son mushaklari shikastlangani sababli uch oyga safdan chiqqan.
Vardi hozirda klubsiz yuribdi. U shu yozda shartnomasi tugaganidan keyin "Lester"ni tark etdi. Mish-mishlarga ko‘ra, 38 yoshli forvardga "Seltik", "Vest Xem" va "Brentford" klublari ham da’vogarlik qilmoqda.
O‘tgan mavsumda Jeymi Vardi "Lester" safida 36 ta o‘yinda maydonga tushib, 10 ta gol urdi va 4 ta golli uzatmani amalga oshirdi.













