Англия терма жамоасининг собиқ футболчиси Жейми Варди фаолиятини Италияда давом эттириши мумкин. Ҳужумчи "Наполи" қизиқишлари доирасига тушиб қолди. Бу ҳақда Daily Mail хабар бермоқда.
Манбага кўра, Италия клуби раҳбарияти жароҳат олган Ромелу Лукаку ўрнига Варди билан шартнома имзолаш вариантини кўриб чиқмоқда. Бельгиялик сон мушаклари шикастлангани сабабли уч ойга сафдан чиққан.
Варди ҳозирда клубсиз юрибди. У шу ёзда шартномаси тугаганидан кейин "Лестер"ни тарк этди. Миш-мишларга кўра, 38 ёшли форвардга "Селтик", "Вест Хэм" ва "Брентфорд" клублари ҳам даъвогарлик қилмоқда.
Ўтган мавсумда Жейми Варди "Лестер" сафида 36 та ўйинда майдонга тушиб, 10 та гол урди ва 4 та голли узатмани амалга оширди.
