Joze Mourinyo Neymarning "Fenerbaxche"ga o‘tishi mumkinligi haqidagi mish-mishlarga izoh berdi.

Unga ko‘ra, braziliyalik yulduz, klub tomonidan qiziqish bildirilayotganiga qaramay, Turkiyaga transfer borasidagi gap-so‘zlardan hech qachon bezovtalanmagan.

"Hech narsa yo‘q edi. Menimcha, bu uning uchun muhim emas", - dedi Mourinyo Sporty Net nashriga. "U o‘z kelajagini va qayerda baxtli bo‘lishini o‘zi tanlashi mumkin. U allaqachon Yevropada bosh sovrinni qo‘lga kiritgan, Saudiya Arabistonida moliyaviy muvaffaqiyatlarga erishgan. Endi u Braziliyaga, o‘z ishtiyoqiga qaytdi" - dedi Mourinyo.

Mourinyo Neymarning ustuvor yo‘nalishlari yangi shartnomalar yoki Yevropaga qaytish bilan bog‘liq emas, balki jahon chempionatiga tayyorgarlik ko‘rishini ta’kidladi. Murabbiyning so‘zlariga ko‘ra, 33 yoshli hujumchi bor e’tiborini nihoyat o‘zining asosiy orzusi – Braziliya terma jamoasi bilan jahon chempionatida g‘olib chiqishga qaratgan.

Yaqinda "Santos" Neymar bilan shartnomasini 2025 yil oxirigacha uzaytirdi, ammo jamoa "Vasko da Gama"ga 0:6 hisobida yutqazib, alamli mag‘lubiyatga uchradi.