Жозе Моуриньо Неймарнинг "Фенербахче"га ўтиши мумкинлиги ҳақидаги миш-мишларга изоҳ берди.

Унга кўра, бразилиялик юлдуз, клуб томонидан қизиқиш билдирилаётганига қарамай, Туркияга трансфер борасидаги гап-сўзлардан ҳеч қачон безовталанмаган.

"Ҳеч нарса йўқ эди. Менимча, бу унинг учун муҳим эмас", - деди Моуриньо Sporty Net нашрига. "У ўз келажагини ва қаерда бахтли бўлишини ўзи танлаши мумкин. У аллақачон Европада бош совринни қўлга киритган, Саудия Арабистонида молиявий муваффақиятларга эришган. Энди у Бразилияга, ўз иштиёқига қайтди" - деди Моуриньо.

Моуриньо Неймарнинг устувор йўналишлари янги шартномалар ёки Европага қайтиш билан боғлиқ эмас, балки жаҳон чемпионатига тайёргарлик кўришини таъкидлади. Мураббийнинг сўзларига кўра, 33 ёшли ҳужумчи бор эътиборини ниҳоят ўзининг асосий орзуси – Бразилия терма жамоаси билан жаҳон чемпионатида ғолиб чиқишга қаратган.

Яқинда "Сантос" Неймар билан шартномасини 2025 йил охиригача узайтирди, аммо жамоа "Васко да Гама"га 0:6 ҳисобида ютқазиб, аламли мағлубиятга учради.