"Sevilya" himoyachisi Xuanlu Sanches Italiya chempionatiga ko‘chib o‘tishga yaqin turibdi. TMW Radio xabariga ko‘ra, 22 yoshli futbolchi "Napoli" a’zosiga aylanadi.
Tomonlar muvaffaqiyatli muzokaralar olib borishdi va bitimni rasmiylashtirish arafasida. Potensial transfer qiymati 17 million yevroga baholanmoqda. Yaqin vaqt ichida Xuanlu tibbiy ko‘rikdan o‘tish va mehnat shartnomasini imzolash uchun Neapolga boradi.
Sanches o‘tgan mavsumda Andalusiya jamoasining 35 ta o‘yinida ishtirok etgan. Himoyachi beshta gol va beshta assistni o‘z hisobiga yozdirib qo‘ydi.













