"Parma" "Belgrano" markaziy himoyachisi Mariano Troiloni sotib oldi.

Italiya klubi 22 yoshli argentinalik futbolchi bilan 2030 yilning yozigacha mo‘ljallangan shartnoma imzoladi.

"Belgrano" Troiloni "Parma"ga bonuslarni hisobga olgan holda rekord darajadagi 9,6 million dollarga sotganini ma’lum qildi. Shuningdek, klub Marianoni qayta sotishdan tushgan mablag‘ning 15 foizini, agar u 7,2 mln yevrodan kam bo‘lmasa, oladi.

Troilo uch mavsum davomida Argentina klubi safida 71 ta o‘yin o‘tkazib, 5 ta gol urdi, 1 ta golli uzatmani amalga oshirdi va 21 ta sariq kartochka oldi.