Londonning "Arsenal" klubi hamon Fabiu Viyeyrani "Shtutgart"ga sotish imkoniyatini saqlab turibdi. Insayder David Ornshteynning ma’lum qilishicha, "kanonirlar" va Germaniya Bundesligasi vakili "Shtutgart" o‘rtasida ehtimoliy transfer bo‘yicha aloqalar davom etmoqda. Majburiy sotib olish sharti bilan ijaraga berish muhokama qilinmoqda.
Eslatib o‘tamiz, Viyeyra "Arsenal"ga 2022 yilning yozida kelib qo‘shilgan, u bilan 5 yillik shartnoma imzolangandi. Biroq londonliklar safida u o‘zini ko‘rsata olmadi. U o‘tgan mavsumni "Portu"da ijarada o‘tkazdi.













